الحليب الطازج
زيت زيتون
زيت درة
زيت خروع
زيت جوز الهند
الطريقة
لما تجيبى اللبن السايب اغليه وخليه فى الثلاجة لتانى يوم كيلو لبن سايب خدى بقى وش اللبن وبس القشطة يعنى واخلطى عليها ملعقتين زيت زيتون وملعقتين زيت خروع وملعقتين زيت ذرة ولو عندك زيت جوز هند ضيفى ملعقتين اخلطى كل المقادير مع بعضها
وسرحى شعرك الكنبوش حاليا ودلكى شوية لحد ما تزهقى مش مرتبطة بوقت يعنى وبعدين حطى الخليط ده وكملى تدليك فى فروة الراس وحطى على شعرك بونيه بلاستيك انا بحط بلاست فويل عارفينه يا بنات بلف شعرىبه اللى بيتحط على الجبن لما نشتريها من السوبر ماركت علشان متنشفش هو ده رخيص بحوالى 3.75 قرشحوالى 8 متر انتى فى كل مرة هتاخدى حوالى متر وتلفيه باحكام وهو هيلم على بعضه لوحده لان البونيه فيه فتحات مش هيحبس الحرارة ولا هيحتفظ بالمكونات وهتنزل وهنبقى معملناش حاجة بس بلفة علشان مكونات الوصفة متنزلش وشعرى يستفيد بها اقعدى بها يارب طول اليوم انا بقعد بها كتير يعنى لو حطيتها الساعة 2 ظهرا بغسل شعرى 8 مساء واغسلى شعرك بالشامبو واطلعى نشفى وسرحى ومتحطيش زيت ولا اى كريمات علشان تتاكدى من كلامى من اول مرة هتلاقى نعومة غير طبيعيه انا قصيت شعرى قبل رمضان بيوم فوق الاذن يعنى اولاد خالص دلوقتى شعرى بيوصل لحد صدرى احسبوا انتوا بقى اقسم بربى دى حقيقة واى سؤال انا معاكم نسيت اقولك جربى لو هتكوى شعرك هتلاقيه ولا شعر اجدع فلبينيه وعلى ضمانتى والاهم الاهم الاهم لافى ريحة ولا يحزنون مفيش اى ريحة
موضوع: شعرا طول ونااااااااااااعم حرير كل البنات 
الخميس سبتمبر 04, 2008 4:15 am